Útihúsgögn úr Douglasgreni eða eik – hvort hentar þér betur?

Við hjá Útihúsgögn.is bjóðum bæði útihúsgögn úr Douglasgreni (náskylt Oregon Pine) og eik – tveimur eðalviðartegundum sem henta íslenskum aðstæðum einstaklega vel. Báðar eru endingargóðar, sterkar og fallegar – en þær hafa sinn sérstaka karakter.

Douglasgreni – hlýr litur og lítið viðhald

Douglasgrenið (Oregon Pine) sem við notum kemur fúavarið beint frá trésmiðju. Það hefur fallegan, hlýjan brúnan lit sem margir eru sérstaklega hrifnir af og þolir íslenskt veður vel. Ef það fær að veðrast án yfirborðsmeðhöndlunar gránar það með tímanum og fær fallegan, ljósgráan blæ — mun ljósari en eikin, sem verður yfirleitt dökkgrá.

Helstu einkenni Douglasgrenis

• Fallegur, hlýr brúnn litur sem margir kunna vel að meta
• Gránar náttúrulega í fallegan, ljósgráan lit.
• Fallegt viðarmynstur
• Þéttur, sterkur og endingargóður viður
  
• Lítið viðhald og auðvelt að endurnýja
• Hagkvæmari en eik

Eik – náttúruleg gráning og klassískt útlit

Eikin er ljós í upphafi , þéttur harðviður og einstaklega sterk. Hún er seld ómeðhöndluð og þarf enga fúavörn til að endast árum saman. Með tímanum tekur eikin á sig fallegan, gráan eða dökkgráan lit. Þetta náttúrulega útlit er einmitt ástæðan fyrir því að eik er vinsæl í Skandinavíu.

Þú getur að sjálfsögðu fúvarið eikina, en hún mun dökkna með tímanum. Flestir kjósa þó að leyfa henni að grána náttúrulega – og þannig nýtur hún sín vel.

Helstu einkenni eikar

• Ljós fyrst en gránar fljótt og verður oft dökkgrá.
• Þéttur og hágæða harðviður með fallega áferð.
  
• Mjög þungur viður
• Þarf ekkert viðhald ef hún er ómeðhöndluð
• Hentar vel fyrir húsgögn sem standa úti í skógi eða á víðavangi, þar sem ekki er gert ráð fyrir reglulegri meðhöndlun viðarins.

Niðurstaða

Báðar viðartegundirnar eru af hæsta gæðaflokki og henta vel íslenskum aðstæðum. Veldu Douglasgreni ef þú vilt hlýjan brúnan lit með auðveldu viðhaldi. Veldu eik ef þú vilt náttúrulegt, gránandi og oft dökkgránandi útlit og ekkert viðhald.